Latestமலேசியா

விரைவில் அமைச்சரவை மாற்றம் அம்னோவுக்கு துணைப் பிரதமர் பதவி

கோலாலம்பூர், அக் 18- அம்னோவின் நெருக்குதலுக்கு பணிந்து பெரிக்காத்தான் நேசனல் அரசாங்கம் கவிழ்வதை தவிர்க்க விரைவில் அம்னோவுக்கு துணைப் பிரதமர் பதவி வழங்குவது உட்பட அமைச்சரவை மாற்றம் செய்யப்படலாம் என தகவல்கள் வெளியாகியுள்ளன. பிரதமர் முஹிடின் தலைமையிலான பெரிக்காத்தான் நேசனல் அரசாங்கத்திற்கு அம்னோ தொடர்ந்து ஆதரவை வழங்கும் வகையில் நாளைக்குள் அமைச்சரவை மாற்றம் செய்யப்படலாம் என அக்கட்சிக்கு நெருக்கமான தரப்பை மேற்கோள் காட்டி உத்துசான் மலேசியா செய்தி வெளியிட்டுளளது.
அமைச்சரவையில் அம்னோவின் பிரதிநிதித்துவம் குறைவாக இருப்பது மற்றும் அக்கட்சியின் நாடாளுமன்ற உறுப்பினர்களுக்கு அமைச்சரவையில் முக்கிய பொறுப்புகள் வழங்கப்படாதது அம்னோவில் பெரும் விவகாரமாக உருவெடுத்துள்ளது. கடந்த வாரம் இது தொடர்பாக அரசியல் விவகாரப் பிரிவு கூட்டத்தை நடத்திய அம்னோ தனது கோரிக்கைகளை ஏற்றுக்கொள்ளாவிட்டால் பிரதமர் முஹிடினுக்கான ஆதரவை மீட்டுக்கொள்ளப்போவதாக எச்சரிக்கை விடுத்திருந்தது.
அமைச்சரவையில் பதவிகளை ஏற்கும் வகையில் அம்னோவின் சில முக்கிய தலைவர்கள் செனட்டர்களாக நியமிக்கப்படுவார்கள் என்றும் தெரிகிறது. பெரிக்காத்தான் அரசாங்கத்தில் அம்னோவின் தலைவர்களில் ஒருவர் துணைப்பிரதமராக நியமிக்கப்பட வேண்டும் என்பதும் அம்னோவின் நிபந்தனைகளில் ஒன்று என தகவல்கள் வெளியாகின.

Show More

Related Articles

Back to top button
error: Content is protected !!