Latestமலேசியா

காதலி கைபேசி அழைப்பை எடுக்கவில்லை ; 18-வது மாடியிலிருந்து குதிக்க முற்பட்ட ஆடவன்

கோலாலம்பூர், பிப் 8 – காதலி கைபேசி அழைப்பை எடுக்காததால், ஷா ஆலாம், செக்ஷன் U2 பகுதியில் அமைந்திருக்கும் குடியிருப்பு ஒன்றில் , ஆடவன் ஒருவன் 18-வது மாடியில் இருந்து குதித்து தற்கொலை செய்துக் கொள்ள முற்பட்டான்.

அந்த தற்கொலை முயற்சி தொடர்பில், அதிகாலை மணி 3. 35-க்கு அவசர அழைப்பு கிடைத்ததாக, சிலாங்கூர் தீயணைப்பு மீட்பு படையின் இயக்குநர் நோராசாம் காமிஸ் ( Norazam Khamis ) தெரிவித்தார். அழைப்பு கிடைத்தவுடன் கோத்தா எங்கெரிக் ( Kota Anggerik ) தீயணைப்பு நிலையத்தினர் சம்பவ இடத்திற்கு விரைந்ததாக அவர் கூறினார். அங்கு விரைந்த தீயணைப்பு படையினர், 18 -வது மாடியின் கூரைப் பகுதியில் , தற்கொலை செய்துக் கொள்ளும் முயற்சியில் ஈடுபட்டிருந்த 27 வயது ஆடவனை சமாதானப் படுத்த முயன்றனர்.

நான்கு மணி நேரம் அந்த ஆடவனுடன் சமாதானமாக பேசிய பின்னர் , கீழே இறங்கி வர அந்த ஆடவன் இணங்கியதாக, நோராசாம் காமிஸ் ஓர் அறிக்கையின் வாயிலாக தெரிவித்தார். அந்த நபர், ஏற்கனவே கடந்தாண்டு விவாகரத்துக்குப் பின்னர் இதேபோன்று பினாங்கில் தற்கொலை முயற்சியில் ஈடுபட்டிருந்ததாக அவர் கூறினார்.

Show More

Related Articles

Back to top button
error: Content is protected !!