Latestமலேசியா

டாக்டர் ராமசாமிக்கு எதிராக போலீஸ் விசாரணை

கோலாலம்பூர், பிப் 23 –தனித்து வாழும் தாயான Loh Siew Hong கின் பிள்ளைகள் சம்பந்தப்பட்ட விவகாரங்கள் குறித்து பெர்லீஸ் சமயத்துறையை தொடர்புபடுத்தி இனத்துவேச மற்றும் உணர்ச்சிகரமான அறிக்கைகள் வெளியிட்டது தொடர்பில் பினாங்கு துணை முதலமைச்சர் டாக்டர் ராமசாமிக்கு எதிராக போலீஸ் விசாரணையை தொடங்கியுள்ளது.

அவருக்கு எதிராக ஆறு புகார்கள் பெறப்பட்டதை தொடர்ந்து குற்றவியல் விசாரணைப் பிரிவின் குற்றச்சாட்டு மற்றும் (D5) பிரிவு தொடங்கியுள்ளதாக புக்கிட் அமான் குற்றப்புலனாய்வுத்துறையின் இயக்குனர் Abdul Jalil Hassan தெரிவித்தார்.

பெர்லீசில் ஒருதலைப்பட்சமான மத மாற்றம் ? நிலைமை மீண்டும் திரும்பியிருக்கிறது என பிப்ரவரி 13 ஆம் தேதி டாக்டர் ராமசாமி முகநூலில் பதிவிட்ட கட்டுரையால் பல்வேறு தரப்பினர் அதிருப்தி அடைந்துள்ளனர்.

லோவின் பிள்ளைளை பராமரிக்கும் விவகாரத்தில் ஒருதலைப்பட்சமான மதமாற்றம், கடத்தல் , திசைதிருப்பியது , கட்டாயம் மற்றும் மிரட்டல் போன்ற வார்த்தைகளை பெர்லீஸ் சமய துறையுடன் அவர் தொடர்புப்படுத்தியுள்ளார் என அப்துல் ஜாலில் வெளியிட்ட அறிக்கையில் தெரிவித்துள்ளார்.

மேலும் 1998 ஆம் ஆண்டின் தொடர்பு மற்றும் பல்லூடக சட்டத்தின் கீழ் பல்லூடக சேவையை தவறாக பயன்படுத்தியது குறித்தும் அவர் மீது விசாரணை நடத்தப்பட்டு வருவதாகவும் Abdul Jalil கூறினார்.

Show More

Related Articles

Back to top button
error: Content is protected !!