தற்கொலையில் ஆண்களே முன்னணி; ஆக மோசம் சிலாங்கூரில் என ஹானா இயோ தகவல்

கோலாலம்பூர், நவம்பர்-27,

நாட்டில் ஆண்களே தற்கொலையில் அதிகம் ஈடுபடுவதாக அதிர்ச்சித் தகவல் வெளியாகியுள்ளது.

குறிப்பாக 40 வயதுக்குக் கீழ்பட்ட வேலை செய்வோரே அதில் முன்னணி வகிப்பதாக இளைஞர் – விளையாட்டுத் துறை அமைச்சர் ஹானா இயோ தெரிவித்தார்.

பதிவான 5,857 தற்கொலைச் சம்பவங்களில் 80 விழுக்காட்டுக்கும் மேல் ஆண்களை உட்படுத்தியுள்ளது என்றார் அவர்.

இது கவலையளிக்கும் பிரச்னையாக மாறி வருவதாக அவர் சொன்னார்.

இவ்வேளையில், முதியோருடன் சிறார்களும் தற்கொலையில் ஈடுபடுவதாக தரவுகள் காட்டுகின்றன.

மாநிலம் வாரியாகப் பார்த்தால் சிலாங்கூரில் தான் தற்கொலைச் சம்பவங்கள் அதிகம் பதிவாகியுள்ளன.

ஜோகூர், கோலாலம்பூர், பினாங்கு ஆகியவை அடுத்தடுத்த இடங்களில் உள்ளன.

இந்நிலையில், தற்கொலைக்கான சாத்தியங்களையும் அறிகுறிகளையும் ஆரம்பத்திலேயே கண்டறிந்து, அசம்பாவிதங்களைத் தடுப்பதோடு உரிய உதவிகளையும் வழங்க ஏதுவாக, அமைச்சு quick guide என்ற வழிகாட்டியை அறிமுகப்படுத்தியுள்ளது.

இளைஞர்கள் மத்தியில் தற்கொலைக்காக அறிகுறிகளை கண்டறிந்து ஆரம்ப கட்ட உதவிகள் வழங்குவது மீதான வட்டமேசைக் கூட்டத்திற்குப் பிறகு ஹானா இயோ அவ்விரங்களை வெளியிட்டார்.