கோலாலம்பூர், நவம்பர்-12 – தலைநகர் ஜாலான் புக்கிட் பிந்தாங்கில் பிரபல பேரங்காடிக்கு அருகேயுள்ள Pavilion Suites ஆடம்பர அடுக்குமாடி கட்டடத்திலிருந்து பெண்ணொருவர் விழுந்து மரணமடைந்துள்ளார்.
நேற்று அதிகாலை 3.30 மணியளவில் அச்சம்பவம் நிகழ்ந்தது.
தகவல் கிடைத்து சம்பவ இடம் விரைந்த 16 பேர் கொண்ட தீயணைப்பு-மீட்புக் குழு, அக்கட்டடத்தின் வரவேற்பு கூடத்தின் கூரையின் மீது விழுந்துகிடந்த பெண்ணை, பல மணி நேரப் போராட்டங்களுக்குப் பிறகு skylift கிரேன் துணையுடன் கீழே கொண்டு வந்தது.
எனினும் அவர் இறந்து விட்டதை மருத்துவக் குழு உறுதிப்படுத்தியது.
மேல் நடவடிக்கைக்காக சடலம் போலீசிடம் ஒப்படைக்கப்பட்டது.
எத்தனையாவது மாடியிலிருந்து அவர் எப்படி விழுந்தார் என்பது தெரியவில்லை.
