Latestமலேசியா

கேமரன் மலையில் நிலச்சரிவு; சுமார் 700 குடியிருப்பாளர்களுக்கு தொடர்பு துண்டிப்பு

கேமரன் மலை, நவம்பர்-29, கேமரன் மலை, Jalan Puncak Arabella-வில்
நேற்றிரவு நிலச்சரிவு ஏற்பட்டதால், தானா ராத்தா, Puncak Arabela அடுக்குமாடி குடியிருப்பைச் சேர்ந்த சுமார் 700 பேரது தொடர்பு துண்டிக்கப்பட்டுள்ளது.

இரவு 8.30 மணி வாக்கில் C புளோக் கட்டடமருகே மலைச்சரிவான பகுதியில் அச்சம்பவம் நிகழ்ந்ததாக கேமரன் மலை போலீஸ் கூறியது.

இதனால் அந்த அடுக்குமாடி குடியிருப்புக்குச் செல்வதற்கான முதன்மைச் சாலை, சரிந்து விழுந்த மண் குவியலால் மூடப்பட்டுள்ளது

பாதுகாப்பை கண்காணிக்கவும், தொடர் நிலச்சரிவு அபாயத்திலிருந்து அப்பகுதி விடுபட்டிருப்பதை உறுதிச் செய்யவும் ஏதுவாக, தகவல் கிடைத்த கையோடு போலீஸ், APM எனும் பொது தற்காப்புப் படை மற்றும் தீயணைப்பு – மீட்புக் குழுவினர் சம்பவ இடம் விரைந்தனர்.

ஆரம்பக் கட்ட உதவிகள் சம்பந்தப்பட்ட அரசு நிறுவனங்களால் ஒருங்கிணைக்கப்பட்டு வருகின்றன.

Show More

Related Articles

Back to top button
error: Content is protected !!