Latestஉலகம்

பண்டுங்கில் மோட்டார் சைக்கிளோட்டி சமிக்ஞை விளக்கு போடாமல் சாலையில் திரும்பியதால் கத்தியால் குத்தி கொலை

பண்டுங், நவ 27 – பண்டுங் , மேகர் ஜெயாவில் மோட்டார் சைக்கிள் ஓட்டுனருக்கும் அவரை ஏற்றிச்சென்ற ஆடவருக்குமிடையே ஏற்பட்ட வாக்குவாதம் கொலையில் முடிந்தது. மோட்டார் சைக்கிளோட்டி சமிக்ஞை விளக்கு போடாமல் சாலையில் திரும்பியதால் பின்னால் அமர்ந்திருந்தவ ஆடவன் ஆத்திரம் அடைந்து முதலில் தாம் அணிந்திருந்த தலைக்கவசத்தினால் அவரை தாக்கியுள்ளான் .

இந்த தாக்குதலால் நிலைகுலைந்து மோட்டார்சைக்கிள் ஓட்டுநனர் கீழே விழுந்து அங்கிருந்து தப்பியோட முயன்றபோது அவரை துரத்திச் சென்று தாம் வைத்திருந்த கத்தியினால் பல முறை சந்தேகப் பேர்வழி குத்தியுள்ளான் . இரத்த வெள்ளத்தில் சரிந்து விழுந்த அந்த மோட்டார் சைக்கிள் ஓட்டுநர் பொதுமக்கள் உதவியோடு மருத்துவமனைக்கு கொண்டுச் செல்லப்பட்டபோதிலும் உடலின் பல பகுதிகளில் ஏற்பட்ட கடுமையான கத்திக் குத்து காயத்தினால் அவர் இறந்துவிட்டதை மருத்துவர்கள் உறுதிப்படுத்தினர். இந்த தாக்குதலுக்குப் பின் அந்த சந்தேக நபர் தப்பியோடிய 24 மணி நேரத்திற்குள் கைது செய்யப்பட்டான். சம்பவம் நடந்த நேரத்தில் சந்தேக நபர் மது அருந்தியும் அதிக அளவில் போதைப் பொருளை பயன்படுத்தியிருப்பதும் விசாரணையில் தெரியவந்துள்ளது. அந்த இருவருக்கிடையே நடந்த தகராறு சாலையிலுள்ள சிசிடிவியில் பதிவாகியுள்ளது.

Show More

Related Articles

Back to top button
error: Content is protected !!