Latestமலேசியா

DBP-யின் புதிய சர்ச்சை – “Tuhan” வார்த்தை “அல்லாவை” குறிக்கிறது; பிற மதத்தினருக்கு “tuhan “

கோலாலம்பூர், ஏப் 26 – மலாய் மொழியில் ‘T’  என்ற பெரிய எழுத்தில் ‘Tuhan’ என்று எழுதப்படும்  வார்த்தை  முஸ்லீம்களின்  Allah என்ற வாத்தையைக் குறிப்பிடுவதாக, டேவான் பாஹாசா டான் புஸ்தாக  வழங்கியிருக்கும் விளக்கம் தொடர்பில், இன்னும் பல்வேறு கேள்விகளையும் குழப்பங்களையும் எழுப்புவதாக பலர் கருத்துரைத்துள்ளனர்.

அண்மையில், டேவான் பாஹாசா டான் புஸ்தாகா வெளியிட்ட,  ‘Meredah  kabus’  எனும் மலாய்க்காரர் அல்லாத எழுத்தாளர்களின்  சிறுகதைத் தொகுப்பில், Tuhan  என்ற வார்த்தையை எழுத பயன்படுத்தப்பட்ட  பெறிய T என்ற எழுத்து  சிறிய t – யாக  மாற்றப்பட்டிருந்தது.
அந்த சொல்லின் பயன்பாடு தொடர்பில் ஒரு முடிவு எடுப்பதற்கு முன்பாக, டேவான் பஹாசா டான் புஸ்தாகா, மொழி சார்ந்த வல்லுநர்களை அழைத்துப் பேசியிருக்க வேண்டும்.

அவ்விவகாரத்தில்  மலாய்க்காரர் அல்லாதவர்களின் கருத்துகளையும் கேட்டறிந்திருக்க வேண்டுமென  மலாயாப் பல்கலைக்கழகத்தின் இந்திய கல்வி ஆய்வியல் துறையின் தலைவரான டாக்டர் மணிமாறன்  தெரிவித்துள்ளார்.

இதனிடையே, எழுத்தாளர்  உதய சங்கர் SB, இவ்விவகாரம் தொடர்பில்  மக்களிடமிருந்து  கருத்துகளைத் திரட்டி வருகிறார்.  காவியன் எழுத்தாளர்கள் குழுவின் தோற்றுநரான அவரது முயற்சியில் தொடங்கப்பட்டிருக்கும்,  மக்களின்  கருத்துகளை கண்டறியும்  வாக்கெடுப்பில்,  இதுவரை 948 பேர் பங்கேற்று தங்களது கருத்துகளை தெரிவித்துள்ளனர்.

குறைந்தது 1,000 பேரின் கருத்துகளைத் திரட்டி, அவ்விவகாரத்தில் மக்கள் கொண்டிருக்கும் அபிப்பிராயத்தை  டேவான் பஹாசா டான் புஸ்தாகாவுடன் நடத்தப்படும்  சந்திப்பின் போது முன் வைக்கவிருப்பதாக  உதயசங்கர் குறிப்பிட்டுள்ளார்.

அதன் தொடர்பில், டேவான் பாஹாசா டன் புஸ்தாகாவிடமிருந்து விளக்கமும் கோரப்பட்டடது. அதற்கு, பெரிய  T –என்ற எழுத்தைக்  கொண்டு  எழுதப்படும் Tuhan என்ற சொல் ,  மூஸ்லீம்களின் Allah என்ற வார்த்தையைக் குறிப்பிடுவதாக கூறியிருந்தது.

மேலும், சிறிய t என்ற எழுத்தில் தொடங்கும் tuhan  என்ற வார்த்தை , மலாய்க்காரர் அல்லாதவர்களின் சிறப்பு பெயர்களைக் கொண்ட தெய்வங்களைக் குறிப்பிடுவதாக,  அந்த அமைப்பு மேலும் விளக்கமளித்திருந்தது.

இந்த விளக்கத்தால், நாட்டில் ஏற்கனவே பல காலமாக, மக்கள் கடைப்பிடித்து மதிக்கும் தேசிய கோட்பாட்டிலும், தேசிய கீதத்திலும் உள்ள Tuhan என்ற சொல் எந்த அர்த்தத்தைக் கொண்டு வருகிறது என, உதய சங்கர் கேள்வி எழுப்பினார்.

இந்த விவகாரத்தை சுமுகமாக தீர்க்க வேண்டும் என்பதே எங்களின் விருப்பம், ஆனால் டேவான் பஹாசா டான் புஸ்தாகா  அதன் முடிவை மீட்டுக் கொள்ளாவிட்டால் தாங்கள் சட்ட நடவடிக்கையை எடுக்க வேண்டிவரும் எனவும் உதய சங்கர் கூறியுள்ளார்.

Show More

Related Articles

Back to top button
error: Content is protected !!