ஜாசின், நவ 26 – சில நிமிடங்களில் 1,000 விழுக்காட்டிற்கும் கூடுதலான லாபத்தை உறுதியளிக்கும் போலி முதலீட்டுத் திட்டத்தை நம்பி 40 வயதுடைய பெண் விரிவுரையாளர் ஒருவர் கிட்டத்தட்ட ஒரு மில்லியனை ரிங்கிட்டை இழந்தார்.
ஜூலை 28ஆம் தேதியன்று பங்கு வர்த்தக பாடங்கள் என்ற Instagram விளம்பரத்தால் ஈர்க்கப்பட்டதால் அதில் முதலீடு செய்து அந்த பெண் ஏமாந்தார் என Jasin மாவட்ட போலீஸ் தலைவர் Superintendent லீ ராபர்ட் ( Lee Robert ) தெரிவித்தார்.
WhatsApp மூலம் விளம்பரதாரரைத் தொடர்பு கொண்டதைத் தொடர்ந்து முதலீட்டுக் கணக்கைப் பதிவு செய்வதற்காக விண்ணப்பத்தை பதிவிறக்கம் செய்யவும், உடனடி லாபம் கிடைக்கும் என்ற வாக்குறுதியின் பேரில் நிதியை முதலீடு செய்யும்படி மோசடி கும்பலைச் சேர்ந்த சந்தேக நபர் அப்பெண்ணை வற்புறுத்தியுள்ளார்.
இதனைத் தொடர்ந்து தனது சேமிப்பு தொகைகளை மீட்டும், குடும்ப உறுப்பினர்களிடம் கடன் வாங்கி, வங்கியில் கடன் பெற்றும் செப்டம்பர் 1ஆம் தேதி முதல் அக்டோபர் 18 ஆம்தேதிவரை, அந்த பெண் ஒன்பது வெவ்வேறு வங்கிக் கணக்குகளுக்கு 20 முறை மொத்தம் ஒன்பது லட்சத்து 14,758 ரிங்கிட்டை பட்டுவாடா செய்துள்ளார்.
இருப்பினும், வாக்குறுதியளித்தபடி அவருக்கு எந்த லாபமும் கிடைக்கவில்லை.
லாபம் கிடைப்பதாக இருந்தால் , சந்தேக நபர் “காலாண்டு கட்டணமாக கூடுதலாக 20,000 ரிங்கிட் கோரியதால் தான் ஏமாற்றப்பட்டதை உணர்ந்த அப்பெண் இது குறித்து நவம்பர் 23 ஆம் தேதி போலீசில் புகார் செய்துள்ளார்
