குவா மூசாங், டிசம்பர் 23 – உயர்மதிப்புள்ள அரிய வகை பறவைகளை சட்டவிரோதமாக வைத்திருந்ததைக் கண்டறிந்த வனவிலங்கு பாதுகாப்புத் துறையான PERHILITAN கிளாந்தான் குவா மூசாங் பகுதியிலுள்ள பண்ணை வீடுகளில் அதிரடி சோதனை நடத்தியது.
PERHILITAN மற்றும் PGA Batalion 8 ஆகிய இரு துறைகளும் இணைந்து மேற்கொண்ட இந்த நடவடிக்கையில் ஆறு பண்ணை வீடுகள் சோதனை செய்யப்பட்டன. அதில் 10,500 ரிங்கிட் மதிப்பிலான 9 murai batu பறவைகளும், 7 merbah luris leher பறவைகளும், serindit மற்றும் burung daun பறவைகளும் பறிமுதல் செய்யப்பட்டன.
இந்த நடவடிக்கையில் 20 முதல் 50 வயதுக்குட்பட்ட ஆறு உள்ளூர் தொழிலாளர்கள் கைது செய்யப்பட்டனர். அவர்கள் பறவைகளை பிடித்து, வளர்த்து, விற்பனை செய்யும் நடவடிக்கையில் ஈடுபட்டதாக சந்தேகிக்கப்படுகிறது.
அனைத்து சந்தேகநபர்களும் மேலதிக விசாரணைக்காக குவா மூசாங் மாவட்ட காவல் தலைமையகத்திற்கு (IPD)** அழைத்துச் செல்லப்பட்டுள்ளனர். மேலும் இவ்வழக்கு வனவிலங்கு பாதுகாப்புச் சட்டத்தின் கீழ் விசாரிக்கப்பட்டு வருகிறது.
