பிரேசில், நவம்பர் 27 – உலகில் முதன்முறையாக ஒரே ஒரு முறை மட்டுமே செலுத்துப்படும் ‘dengue’ தடுப்பூசிக்கு பிரேசில் அரசு கடந்த புதன்கிழமை அனுமதி வழங்கியுள்ளது.
கொசுவால் பரவும் ‘dengue’ தொற்று உலகம் முழுவதும் அதிகரித்து வரும் நிலையில், இந்த தடுப்பூசி ஒரு முக்கிய முன்னேற்றமாக கருதப்படுகிறது.
டெங்கு காய்ச்சல் கடுமையான ஃப்ளூ போன்ற அறிகுறிகள், உடல் வலி, கடும் சோர்வு போன்றவற்றை ஏற்படுத்துகிறது. கடந்த 2024 ஆம் ஆண்டு உலகம் முழுவதும் டெங்கு தொற்றுகளின் பதிவுகள் அதிவேகமாக உயர்ந்ததற்கு காலநிலை மாற்றமே (Climate Change) முக்கிய காரணமென்று நிபுணர்கள் கருதுகின்றனர்.
பிரேசிலின் சுகாதார கட்டுப்பாட்டு அமைப்பு ANVISA, இந்தத் தடுப்பூசியை 12 முதல் 59 வயதிற்குட்பட்டவர்களுக்கு மட்டுமே பயன்படுத்த அனுமதி வழங்கியுள்ளது.
இந்த தடுப்பூசி ஒரே முறை செலுத்தினால் போதும் என்பதால், டெங்கு பாதுகாப்பில் இது மிகப்பெரிய மாற்றத்தை உருவாக்கும் என சுகாதார அமைச்சு தெரிவித்துள்ளது.
