ஓரென்பர்க் (ரஷ்யா), நவம்பர் 30-ரஷ்யாவில் பிரபல உடற்பயிற்சியாளரான 30 வயது Dmitry Nuyanzin, ஆபத்தான உடல் எடை சவாலில் ஈடுபட்டு பரிதாபமாக உயிரிழந்துள்ளார்.
அவர் தினமும் சுமார் 10,000 கலோரி உணவுகளை உட்கொண்டுள்ளார்.
பர்கர், பீட்சா தொடங்கி மயோனிஸ் கலந்த உணவுகள், உருளைக் கிழங்குப் பொரியல் வரை உணவுப் பட்டியல் நீளுகிறது.
அவர் அப்படி செய்யத் துணிந்ததன் நோக்கமே உடல் எடையை 25 கிலோ கிராம் அதிகரிக்கத் தான்; 25 கிலோவை கூட்டி பின்னர் அந்த எடையை தடாலடியாக் குறைத்து தனது புதிய உடற்பயிற்சித் திட்டத்தை விளம்பரம் செய்ய Dmitry திட்டமிட்டிருந்தார்.
ஆனால், சில வாரங்களிலேயே உடல் நலக்குறைவு ஏற்பட்டு பயிற்சிகளை இரத்துச் செய்ய வேண்டியதாயிற்று.
இறுதியில், cardiac arrest எனப்படும் திடீர் இதய முடக்கத்தால் தூக்கத்திலேயே அவரின் உயிர் பிரிந்தது.
இச்சம்பவம், சமூக ஊடகங்களில் பெருகி வரும் ஆபத்தான அதிக உணவு சவால்கள் மற்றும் தீவிர உணவுக் கட்டுப்பாட்டு முயற்சிகள் எந்தளவுக்கு உயிருக்கு ஆபத்தானவை என்பதை வெளிப்படுத்துகிறது.
