பவநகர், நவம்பர் 30-இந்தியாவின் குஜராத்தை சேர்ந்த 25 வயது இளைஞர் கணேஷ் பாரையாவின் உயரம் வெறும் 3 அடி மட்டுமே, எடையோ 14 கிலோ தான்…
இதனால் 72% மாற்றுத்திறனாளியாக இவர் உள்ளார்.
இருந்தாலும், மருத்துவராக வேண்டும் என்ற கனவை இவர் ஒருபோதும் கைவிடவில்லை.
NEET தேர்வில் நல்ல மதிப்பெண்கள் பெற்றிருந்தாலும், குழந்தை போன்ற குரல் மற்றும் குள்ளமாக இருப்பதைக் காரணம் காட்டி, இவர் MBBS மருத்துவப் பட்டப்படிப்பை படிக்கத் தகுதியற்றவர் என மருத்துவ மன்றம் நிராகரித்தது.
ஆனால் கணேஷ் பின்வாங்கவில்லை…
தனது கனவுக்காக அவர் முதலில் உயர் நீதிமன்றத்திலும் பின்னர் உச்ச நீதிமன்றத்திலும் போராடினார்.
இறுதியாக 2018-ல் உச்ச நீதிமன்றம் அவருக்கு சாதகமாகத் தீர்ப்பளித்தது.
2019-ல் அவர் தனது MBBS பட்டப்படிப்பில் காலடி வைத்தார்.
இன்று, தனது படிப்பை முடித்து, வெறும் கணேஷ் டாக்டர் கணேஷ் என உயர்ந்து நிற்கிறார்.
பவ்நகர் மருத்துவக் கல்லூரியில் தனது internship அதாவது தொழில் பயிற்சியை அவர் செய்து வருகிறார்.
தன்னம்பிக்கை மற்றும் கடின உழைப்பு இருந்தால், எதுவுமே சாத்தியம் என கணேஷ் உலகுக்கு நிரூபித்துள்ளார்.
உயரம் கனவுகளை அளக்காது…மனிதன் உள்ளத்தையே அளக்கும் என்பது கணேஷின் விஷயத்தில் உண்மையாகியுள்ளது.
