மலாக்கா, நவம்பர் 30-இன்று அதிகாலை, UTeM எனப்படும் மலேசிய மலாக்கா தொழில்நுட்ப பல்கலைக்கழகம் நோக்கிச் செல்லும் FT033, செக்ஷன் 22.0, ஜாலான் லெபு SPA, fastlane பாதையில், சுமார் 10 மீட்டர் ஆழத்திற்கு ஒரு திடீர் பள்ளம் உருவானது.
இதைத் தொடர்ந்து, வாகனமோட்டிகளின் பாதுகாப்பை உறுதிச் செய்வதற்காக அந்த fastlane-னின் ஒரு பாதை முழுமையாக மூடப்பட்டதாக, மலாக்கா தெங்கா JKR கூறியது.
ஆரம்பக் கட்ட நடவடிக்கையாக சம்பவ இடத்தில் எச்சரிக்கை பலகைகள் மற்றும் மாற்றுப்பாதை குறியீடுகள் உடனடியாக நிறுவப்பட்டன.
தொடர்ச்சியான கண்காணிப்பும் மேற்கொள்ளப்பட்டு வருகிறது.
இந்நிலையில், வாகனமோட்டிகளும் சாலைப் பயனர்களும் அதிகாரிகள் வழங்கும் பாதுகாப்பு அறிவுறுத்தல்களைப் பின்பற்றுமாறு கேட்டுக் கொள்ளப்படுகின்றனர்.
தேவைப்பட்டால் மாற்று வழிகளைப் பயன்படுத்தவும் அவர்கள் அறிவுறுத்தப்படுகிறார்கள்.
