புத்ரா ஜெயா , டிச 26 – 2024 ஆம் ஆண்டு டிசம்பர் 1ஆம்தேதி
அமலுக்கு வந்த பொது சேவை ஊதிய முறை (SSPA) செயல்படுத்தப்பட்டதைத் தொடர்ந்து, வேலை நேரம் மற்றும் கூடுதல் நேர அலவன்ஸ் கோரிக்கைகள் தொடர்பான பல மேம்பாடுகளை அரசாங்கம் செயல்படுத்தியுள்ளது.
மனிதவள சேவை சுற்றறிக்கைககளல் செய்யப்பட்ட மேம்பாடுகள் மூலம், அலுவலக வேலை நேரங்களுக்கு ஏற்ப, அலுவலகமற்ற வேலை நேரம் பிரிவின் கீழ் உள்ள அதிகாரிகளுக்கான வாரத்திற்கு மொத்த வேலை நேரம் இடைவேளைகள் உட்பட ஒரு மணிநேரம் குறைக்கப்பட்டு வாரத்திற்கு 45 மணிநேரமாக ஆக்கப்பட்டுள்ளது.
இந்த உத்தரவை பொது சேவைத்துறையின் தலைமை இயக்குநர் இயக்குநர் டான் ஸ்ரீ வான் அகமட் டஹ்லான் அப்துல் அஜீஸ் ( Wan Ahmad Dahlan Abdul Aziz ) டிசம்பர் 18 தேதியிட்ட சுற்றறிக்கை ம் மூலம் வெளியிட்டார்.
இது இன்று பொது சேவைத் துறை (JPA) பேஸ்புக் மூலம் பகிரப்பட்டது.இந்த சுற்றறிக்கை மாநில பொது சேவைகள், சட்டப்பூர்வ அதிகாரிகள் மற்றும் உள்ளூர் அதிகாரிகளுக்கு அனுப்பப்பட்டது.
வாரத்திற்கு 45 மணி நேரத்திற்கும் மேலாக அல்லது தொடர்ச்சியாக நான்கு வாரங்களில் சராசரியாக 45 மணி நேரம் பணிபுரியும் அதிகாரிகளுக்கு, நிர்ணயிக்கப்பட்ட நிபந்தனைகள் மற்றும் விகிதங்களின்படி கூடுதல் நேர அலவன்ஸ் பெறுவதற்கான தகுதியை பெறுவார்கள் என அவர் கூறினார்.
