இஸ்தான்புல், நவ 27 – நவம்பர் நடுப்பகுதியில் இஸ்தான்புல்லில் விடுமுறைக்குச் சென்றிருந்தபோது ஜெர்மன் குடும்பத்தைச் சேர்ந்த நால்வர் இறந்ததற்கு , பூச்சிக் கட்டுப்பாட்டுக்குப் பயன்படுத்தப்படும்
விஷ வாயு கசிவை சுவாசித்ததே காரணம் என நம்பப்படுகிறது. செவ்வாய்க் கிழமை வழக்கறிஞர் அலுவலகத்தில் சமர்ப்பிக்கப்பட்ட பிரேத பரிசோதனை அறிக்கையின்படி , அவர்கள் சாப்பிட்ட உணவில் எந்த தீங்கு விளைவிக்கும் பொருட்களும் காணப்படவில்லை என்றாலும், விசாரணையில் fosfina வாயுவின் வலுவான இருப்பைக் கண்டறிந்துள்ளன என்று தெரியவந்துள்ளது.
சுற்றுலா வந்திருந்த போசெக் ( Bocke ) குடும்பம் தங்கியிருந்த ஹோட்டலில் பயன்படுத்தப்பட்ட பூச்சிக் கட்டுப்பாட்டு விஷ வாயு கசிவு குளியல் அறைக்கான காற்று குழாய் வழியாக உள்ளே புகுந்ததை சுவாசித்ததால் அவர்கள் இறந்தனர் என பிரேத பரிசோதனை அறிக்கையில் உறுதிப்படுத்தப்பட்டுள்ளது. அந்த ஹோட்டல் பயன்படுத்திவந்த ரசாயன தயாரிப்பு பொருளில் இந்த ஆதாரம் கண்டுப்பிடிக்கப்பட்டது. நவம்பர் 12ஆம்தேதி திடீரென உடல் நலம் பாதிக்கப்பட்ட அந்த குடும்பத்தைச் சேர்ந்த நால்வரும் அடுத்தடுத்து இறந்தனர். முதலில் மூன்று மற்றும் ஆறு வயது சிறார்களும் அதனை தொடர்ந்து அவர்களின் தாயார் மற்றும் தந்தை மரணம் அடைந்தனர். அவர்கள் தங்கியிருந்த ஹோட்டல் அறைக்குள் விஷா வாயு கசிவு புகுந்ததால் அந்த நால்வரும் இறந்ததாக துருக்கி ஊடகங்கள் தெரிவித்தன. சம்பந்தப்பட்ட அந்த ஹோட்டல் மூடப்பட்தைத் தொடர்ந்து 11 தனிப்பட் நபர்கள் கைது செய்யப்பட்டனர்.
