பாரிட் புந்தார், நவம்பர்-14 – பேராக், குவாலா குராவில் மோட்டார் சைக்கிளில் சென்ற 2 ஆடவர்களை மோதித் தள்ளிவிட்டு தப்பியோடி வைரலான வெள்ளை நிறக் காரோட்டி கைதாகியுள்ளார்.
செவ்வாய்க்கிழமை நிகழ்ந்த சம்பவத்தை அடுத்த பெறப்பட்ட புகாரின் அடிப்படையில், 48 வயது அந்நபர் கைதானதாக கெரியான் மாவட்ட போலீஸ் கூறியது.
பாதிக்கப்பட்ட 2 ஆடவர்களும், சம்பவத்தின் போது வேறொரு வாகனத்துடன் விபத்தில் சிக்கிய அந்த வெள்ளை நிற Toyota Corolla Altis காரைப் பிடிப்பதற்காகத் துரத்திச் சென்றுள்ளனர்.
அதை தெரிந்துக் கொண்ட காரோட்டி, அவர்களின் மோட்டார் சைக்கிளை இடித்துத் தள்ளிவிட்டு தப்பியோடினார்.
கைதான ஆடவரின் காரும் பறிமுதல் செய்யப்பட்டுள்ளது.
குற்றவியல் சட்டம் மற்றும் சாலைப் போக்குவரத்துச் சட்டத்தின் கீழ் அச்சம்பவம் விசாரிக்கப்படுகிறது.
