கோலாலம்பூர், ஜூலை 23 – மலேசியா தினத்துடன் இணைந்து செப்டம்பர் 15 ஆம் தேதியை கூடுதல் பொது விடுமுறை நாளாக அறிவித்ததை முதலாளிகள் கடைப்பிடிக்க வேண்டும் என்று மனிதவள அமைச்சர் ஸ்டீவன் சிம் கூறினார்.
முதலாளிகள் கூடுதல் பொது விடுமுறையை வழங்கவும், தங்கள் வழக்கமான சம்பளத்தை செலுத்தவும் அல்லது பொது விடுமுறை விகிதத்தின்படி ஊழியர்களை வேலைக்கு வந்து தங்கள் சம்பளத்தை செலுத்தவும் அறிவுறுத்தலாம் என்று அவர் கூறினார். குறிப்பிட்ட விடுமுறை நாளில் ஊழியர்கள் வேலை செய்ய வேண்டியிருந்தால், முதலாளிகள் மற்றொரு நாளில் மாற்று விடுமுறையை வழங்கவும் தேர்வு செய்யலாம்.
கூடுதல் பொது விடுமுறையை நியாயமாகவும் முறையாகவும் செயல்படுத்துவதை உறுதி செய்வதற்காக, மனிதவளத் துறை ஆலோசனை சேவைகளை வழங்கவும், இந்த கூடுதல் பொது விடுமுறையை செயல்படுத்துவது தொடர்பாக முதலாளிகள் மற்றும் ஊழியர்களிடமிருந்து ஏதேனும் கேள்விகளுக்கு பதிலளிக்கவும் தயாராக உள்ளது என்று ஸ்டீவன் சிம் இன்று வெளியிட்ட அறிக்கையில் தெரிவித்தார்.
செப்டம்பர் 15 ஆம்தேதி திங்கட்கிழமை மலேசியா தினத்துடன் இணைந்து கூடுதல் பொது விடுமுறையாக அறிவிப்பதாக பிரதமர் டத்தோஸ்ரீ அன்வார் இப்ராஹிம் அறிவித்ததை மனிதவள அமைச்சு வரவேற்பதோடு நாடு முழுவதும் உள்ள பொது மற்றும் தனியார் துறை ஊழியர்களுக்கு ஒரு நல்ல செய்தி என்று அவர் குறிப்பிட்டார்.
