ஜெலுத்தோங், நவம்பர்-19 – பினாங்கு, ஜெலுத்தோங்கில் பள்ளிக் கட்டடத்தின் 8-வது மாடியிலிருந்து தவறி விழுந்து இரண்டாம் படிவ மாணவி உயிரிழந்தார்.
அங்குள்ள இடைநிலைப் பள்ளியொன்றில் நேற்று மாலை அச்சம்பவம் நிகழ்ந்துள்ளது.
கீழ்தளத்தில் மாணவி பேச்சு மூச்சின்றி கிடந்ததை அடுத்து பள்ளி நிர்வாகம் அம்புலன்ஸ் வண்டிக்குத் தகவல் தெரிவித்தது.
சம்பவ இடத்தில் குற்ற அம்சங்கள் எதுவும் கண்டறியப்படாததால், அச்சம்பவம் திடீர் மரணமாக வகைப்படுத்தப்பட்டுள்ளது.
என்றாலும் தொடர் விசாரணை நடைபெறும்.
எனவே விசாரணைக்கு இடையூறு விளைவிக்கும் வகையில் யூகங்களை எழுப்புவதோ சம்பவ வீடியோவைப் பகிருவதோ வேண்டாமென போலீஸ் கேட்டுக் கொண்டது.
