கோலாலம்பூர், அக் 17 – பினாங்கைச் சேர்ந்த 65 வயது பெண் ஒருவர் , தனது மாமாவின் இறுதிச் சடங்கில் இருந்து கணக்கிட்ட எண்களைக் கொண்டு பெரும் தொகையை பரிசுப் பணமாக வென்றார். அக்டோபர் 1 மற்றும் 12 தேதிகளில் டோட்டோ 4D ஜாக்பாட்டின் 23.9 மில்லியன் ரிங்கிட் பங்கை மூன்று நபர்களுக்குப் பிரித்ததால், அந்த முடிவு அந்த பெண்ணுக்கு பெரும் தொகையை பெறுவதற்கு வாய்ப்பாக அமைந்தது.
முறையே சிஸ்டம் ப்ளே (System Play ) மற்றும் நிலையான டிக்கெட்டை வாங்கிய ஜோகூரைச் சேர்ந்த பெண்ணும் மற்றொரு வெற்றியாளரும் ஜாக்பாட்டின் பரிசுத்தொகையை ஒரு கோடியே 10 லட்சத்து 35,125 ரிங்கிட்டை (RM11,035,121.25) பகிர்ந்துக் கொண்டனர்.
மலாக்காவைச் சேர்ந்த மற்றொரு வெற்றியாளர் ஐ–சிஸ்டம் டிக்கெட்டில் ( I -System )டிக்கெட்டில் 18 லட்சத்து 39,186 ரிங்கிட் 85 சென்னை ( 1,83,9,186,85 )வென்றார்.
பல மாதங்களுக்கு முன்பு தனது மாமாவின் இறுதிச் சடங்கில் கலந்துகொண்டபோது, தனக்கு 5088 மற்றும் 2323 ஆகிய வெற்றி எண்கள் கிடைத்ததாக பினாங்கு பெண்மணி கூறினார். எனது மாமாவின் பிரியாவிடை பரிசு இந்த தொகை என அவர் வருணித்தார். நான் சிஸ்டம் 7 டிக்கெட்டை வாங்கினேன், ஏனென்றால் இறந்தவர்களுக்கான அஸ்தி, சவ வாகனம் ,இறந்தவர்களுக்கான பேப்பர் வீடு போன்றவற்றை அடிப்படையாக கொண்ட எண்களை இணைத்து எழுதியதாக அவர் கூறினார்.
மொத்தத்தில், பினாங்கு, ஜோகூர், மேலாக்கா மற்றும் சிலாங்கூரைச் சேர்ந்த நான்கு வெற்றியாளர்கள் டோட்டோ 4டி ஜாக்பாட் 1 மற்றும் பவர் டோட்டோ 6/55 ஆகியவற்றிலிருந்து மொத்தம் RM28.6 மில்லியனை வார இறுதியில் வென்றுள்ளனர்.
