கோலாலம்பூர், அக்டோபர்-11,
நெடுஞ்சாலை டோல் சாவடியில் குப்பை லாரி ஒன்று கட்டுப்பாட்டை இழந்து நேரடியாக RFID பாதையில் மோதிய சம்பவம் தற்போது இணையத்தில் வைரலாகியுள்ளது.
வீடியோவில், லாரி வேகமாக வருவதும், தடுப்புச் சுவற்றில் மோதுவதும் தெளிவாகக் காணப்படுகிறது.
மோதலின் தாக்கத்தால், பாதை தடைகள் சிதறி விழ, RFID கேட் முழுமையாக சேதமடைந்தது.
சம்பவ இடத்துக்கு பாதுகாப்பு பணியாளர்கள் விரைந்து நிலைமையை கட்டுப்படுத்தினர்.
அதிர்ஷ்டவசமாக, உயிரிழப்பு எதுவும் பதிவாகவில்லை.
எனினும், இந்த வீடியோ சமூக வலைதளங்களில் வேகமாக பரவி, போக்குவரத்து பாதுகாப்பு மற்றும் RFID வசதிகளின் பராமரிப்பு குறித்து சூடான விவாதங்களை கிளப்பியுள்ளது.
போலீஸார் விபத்து குறித்து விசாரணை நடத்தி வருகின்றனர்.
