சபாக் பெர்ணாம், நவம்பர்-17, சிலாங்கூர், சபாக் பெர்ணாம் அருகேயுள்ள கரையோரப் பகுதிக்குள் ஒரு படகின் மூலம் சட்டவிரோதமாக நுழைந்த 30 வெளிநாட்டவர்கள் கைதாகியுள்ளனர்.
மனித கடத்தல் சம்பவங்களை முறியடிக்கும் நோக்கிலான சோதனையில், Sungai Pulai கரையோரத்தில் அப்படகு தடுத்து நிறுத்தப்பட்டது.
கைதானவர்களில் 21 ஆண்கள், 9 பேர் பெண்கள் என சிலாங்கூர் போலீஸ் கூறியது.
மேற்கொண்டு விசாரணைக்காக அவர்கள் தடுத்து வைக்கப்பட்டுள்ளனர்.
ஆள்கடத்தலுக்குப் பயன்படுத்தப்பட்டதாகக் கூறப்படும் 2 கைப்பேசிகளும் பறிமுதல் செய்யப்பட்டன.
நாட்டின் பாதுகாப்புக்கும் இறையாண்மைக்கும் பங்கம் விளைவிக்கும் இது போன்ற எல்லைகடந்த குற்றச் செயல்களுக்கு எதிரான நடவடிக்கை தொடர்ந்து தீவிரப்படுத்தப்படுமென போலீஸ் உறுதியளித்தது.
