சிங்கப்பூர், நவம்பர்-29 – சிங்கப்பூரில் மரண தண்டனைக்கு பொது மக்கள் இன்னும் வலுவான ஆதரவை வழங்கி வருவதாக, அந்நாட்டின் வெளியுறவு அமைச்சர் Dr விவியன் பாலகிருஷ்ணன் தெரிவித்துள்ளார்.
சமூகத்தை பாதுகாக்கவும், கடுமையான குற்றங்களைத் தடுப்பதற்கும் இந்த தண்டனை இன்னும் அவசியம் என அவர் வலியுறுத்தினார்.
சிங்கப்பூர் அரசாங்கத்தின் அண்மைய கருத்துக் கணிப்புகளின் படி, கொலை மற்றும் பெரிய அளவிலான போதைப் பொருள் கடத்தல் போன்ற மிக தீவிர குற்றங்களுக்கு மரண தண்டனையை 70% க்கும் மேலான மக்கள் ஆதரிக்கிறார்கள்.
குற்றவியல் விசாரணை மற்றும் நீதிமன்ற செயல்முறைகள் நியாயமானவை என்ற நம்பிக்கையும் பெருமளவில் இருப்பது தெரிய வந்துள்ளதையும் அவர் சுட்டிக் காட்டினார்.
போதைப்பொருள் கடத்தல் குற்றங்களுக்காக அண்மையில் 2 மலேசியர்களுக்கு அக்குடியரசில் தூக்குத் தண்டனை நிறைவேற்றப்பட்டது.
பல எதிர்ப்புகளுக்கு மத்தியில் கே. தட்சிணாமூர்த்தி, பி. பன்னீர் செல்வம் இருவரும் தூக்கிலிடப்பட்டது பெரும் சர்ச்சையை ஏற்படுத்தியது.
இப்படி நாடுகடந்த மனித உரிமை அமைப்புகள் தொடர்ந்து மரண தண்டனையை இரத்துச் செய்ய அழுத்தம் கொடுத்து வந்தாலும், விவியனின் பேச்சின் மூலம், சிங்கப்பூர் அரசு மரண தண்டனை நிலைப்பாட்டை மாற்றாமல் தொடரும் என்பது மட்டும் தெளிவாகிறது.
