சிரம்பான், நவம்பர்-24 – சிரம்பானில் இரவு கேளிக்கை மையமொன்றில் நேற்று அதிகாலை 4 மணிக்கு மூண்ட சண்டை வன்முறையாக மாறியதில், 40 வயது ஆடவர் கத்தியால் குத்தப்பட்டு உயிரிழந்தார்.
10 முதல் 12 பேர் கொண்ட கும்பல் அடிதடியில் ஈடுபட்டதில் அவர்களில் ஒருவரே கொலையுண்டதாக நம்பப்படுகிறது.
சமூக ஊடகங்களில் பரவிய CCTV காட்சிகளில், அந்நபர் துரத்தப்பட்டு, நாற்காலிகள் மற்றும் பெட்டிகளால் தாக்கப்பட்டு, கடைசியில் குத்தப்பட்டது தெரிகிறது.
கடுமையான வெட்டுக் காயங்களுடன் அவர் மருத்துவமனையில் உயிரிழந்ததை சிரம்பான் போலீஸ் உறுதிப்படுத்தியது.
சம்பவத்திற்கான காரணத்தைக் கண்டறிய உடனடி விசாரணையில் இறங்கிய போலீஸ், சந்தேக நபர்களை அடையாளம் காணும் முயற்சியை தீவிரப்படுத்தியுள்ளது.
