ஜோகூர் பாரு, நவம்பர்-9, ஜோகூர் பாரு, பண்டார் ஸ்ரீ ஆலாமில் பள்ளியின் முன்புறம் போக்குவரத்து கண்காணிப்புப் பணியிலிருந்த பள்ளிப் பாதுகாவலர், காரால் மோதப்பட்டுக் காயமடைந்தார்.
நேற்று முன்தினம் மதியம் 1.40 மணியளவில் அச்சம்பவம் நிகழ்ந்தது.
சம்பவத்தின் போது தாமான் மோலேக்கிலிருந்து தாமான் ஏஹ்சான் ஜெயா நோக்கி 40 வயது உள்ளூர் மாது ஓட்டிச் சென்ற கார், 69 வயது அப்பாதுகாவலரை மோதித் தள்ளியது.
இதனால் சாலையின் நடுவே விழுந்த அம்முதியவருக்குக் கைகளில் சிராய்ப்புக் காயங்கள் ஏற்பட்டன.
தனியார் மருத்துவமனையில் அவர் சிகிச்சைப் பெற்றார்.
அவ்விபத்து குறித்து புகார் கிடைத்திருப்பதை உறுதிபடுத்திய ஸ்ரீ ஆலாம் மாவட்ட போலீஸ், அது குறித்து விசாரித்து வருவதாகக் கூறியது.
