சிரம்பான், நவம்பர்-25 – நெகிரி செம்பிலான் மாநிலத்தின் 2025 பட்ஜெட்டில் தனியார் குடியிருப்பு பராமரிப்புப் பணிகளுக்கு RM2 மில்லியன் ஒதுக்கீடு செய்யப்பட்டுள்ளது.
இந்த நிதி, குறைந்த மற்றும் நடுத்தர விலையிலான அடுக்குமாடி
வீடுகளுக்கான பராமரிப்பு பணிகளுக்காக வழங்கப்படுவதாக, ஊராட்சி மன்ற மேம்பாடு, வீடமைப்பு மற்றும் போக்குவரத்துத் துறைகளுக்கான மாநில ஆட்சிக் குழு உறுப்பினர் ஜே. அருள் குமார் தெரிவித்தார்.
அதன் கீழ் மொத்தம் 9 திட்டங்கள் அங்கீகரிக்கப்பட்டுள்ளன.
குவாலா பிலாவில் தாமான் வாஜா குடியிருப்பில் வேலிகளை மாற்றுவது,
லுக்குட் தாமான் அஸ்தானா ஹார்மோனியில்
பராமரிப்பு மற்றும் மேம்பாடு,
நீலாய் தாமான் செமாராக் டுவாவில் வசதி கட்டமைப்பு மேம்பாடு,
சிரம்பானில் பல குடியிருப்புகளில்
சாலை மறுபுதுப்பிப்பு,
குவாலா பிலா Gentam குடியிருப்பில்
கூரை பழுது,
போர்டிக்சனில் தாமான் ஓர்கிட் குடியிருப்பில்
பொது வசதி பழுதுபார்ப்பு என இவை அனைத்தும் மக்களுக்கு
பாதுகாப்பான, வசதியான வாழ்விடத்தை
உருவாக்கும் நோக்கத்தைக் கொண்டவை என்றார் அவர்.
முன்தாக அருள் குமார் நேற்று காலை, சிரம்பான் 2-வில் செம்பாகா 2 மலிவு விலை அடுக்குமாடி குடியிருப்பில் சாலையில் தார் போடும் பணிகளை, புக்கிட் கெப்பாயாங் சட்டமன்ற உறுப்பினர் Nicol Tan மற்றும் அதிகாரிகளுடன் நேரில் சென்று பார்வையிட்டார்.
