புக்கிட் மெர்த்தாஜாம், டிசம்பர் 20 – புக்கிட் மெர்த்தாஜாம் பெர்மாத்தாங் திங்கியிலுள்ள Light Industrial தொழிற்பேட்டையில், இன்று அதிகாலை ஏற்பட்ட தீ விபத்தில் இரண்டு தொழிற்சாலைகள் கடுமையாக சேதமடைந்தன.
இவ்விபத்தில் எவ்வித உயிர் சேதங்களும் ஏற்படவில்லை என்று அறிவிக்கப்பட்டுள்ளது.
தகவல் கிடைக்கப்பெற்றவுடனேயே தீயணைப்பு வீரர்கள் சம்பவ இடத்தைச் சென்றடைந்தப்போது இரண்டு தொழிற்சாலைகள் தீப்பற்றி எரிந்து கொண்டிருந்தன.
சுமார் 929 சதுர மீட்டர் பரப்பளவிலான உணவுப் பொருள் தொழிற்சாலை 80 விழுக்காடு சேதமடைந்த நிலையில் 232 சதுர மீட்டர் பரப்பளவிலான அச்சுத் தொழிற்சாலை 30 விழுக்காடு தீயில் பாதிக்கப்பட்டுள்ளது.
தற்போது தீ முழுமையாக அணைக்கப்பட்ட நிலையில், அது பரவாமல் தடுக்கும் வகையில் பாதுகாப்பு நடவடிக்கைகள் மேற்கொள்ளப்பட்டு வருகின்றன.
இந்நிலையில் தீ விபத்துக்கான காரணமும் இழப்புகளின் மொத்த மதிப்பீடும் தற்போது விசாரணையில் உள்ளது என்று அறியப்படுகின்றது.
