வாஷிங்டன், நவம்பர்-28 – வெள்ளி மாளிகை அருகே மேற்கொள்ளப்பட்ட துப்பாக்கிச் சூட்டு சம்பவத்தை அடுத்து, அனைத்து மூன்றாம் உலக நாடுகளிலிருந்தும் குடியேற்றத்தை நிரந்தரமாக நிறுத்துவதாக, அமெரிக்க அதிபர் டோனல்ட் ட்ரம்ப் அதிரடியாக அறிவித்துள்ளார்.
அமெரிக்க குடியேற்ற முறை “மீண்டும் சீராகும் வரை”இந்த ‘இடைவேளை’ அவசியமாவதாக அவர் சொன்னார்.
மேலும், சட்டவிரோத குடியேற்றத்தைக் குறைப்பதற்காக, குடியுரிமை இல்லாதவர்களுக்கு வழங்கப்படும் சில நலத்திட்ட உதவிகளை நிறுத்துவேன் என்றும், “பாதுகாப்பு ஆபத்து அல்லது பொதுச் சுமை” எனக் கருதப்படும் நபர்களை நாடு கடத்துவேன் என்றும் ட்ரம்ப் மிரட்டியுள்ளார்.
இவ்வறிவிப்பு உலகளவில் கவலையை ஏற்படுத்தியுள்ளது; காரணம் இது ஆப்பிரிக்கா, ஆசியா, லத்தின் அமெரிக்கா போன்ற பல நாடுகளில் இருந்து வருவோருக்கு பெரும் பாதிப்பை ஏற்படுத்தக்கூடும் என அஞ்சப்படுகிறது.
நேற்றைய துப்பாக்கிச் சூட்டுக்கு பிறகு இவ்வுத்தரவு வெளியாகியுள்ளது.
அதில், அகதி திட்டத்தின் கீழ் 2021-ஆம் ஆண்டு அமெரிக்காவில் அனுமதிக்கப்பட்ட ஆப்கானிஸ்தானிய ஆடவர், ஒரு தேசிய காவல் படை வீரரை கொன்று, மற்றொருவரை காயப்படுத்தினார்.
இச்சம்பவத்திற்குப் பின், அமெரிக்க அதிகாரிகள் ஆப்கான் குடியேற்ற கோரிக்கைகளை தற்காலிகமாக நிறுத்தி, சில நாடுகளின் ‘green card’ அட்டை வைத்திருப்பவர்களையும் மீளாய்வு செய்யத் தொடங்கியுள்ளனர்.
