கோலாலம்பூர், பிப் 21 – நெடுஞ்சாலையின் பரபரப்பான இரண்டாவது தடத்தில் காணப்பட்ட டயரை தனது உயிரைப் பணயம் வைத்து அகற்றிய ஒரு மோட்டார் சைக்கிள் ஓட்டுனர் துணிச்சலின் குறிப்பிடத்தக்க காட்சியாக ஒரே இரவில் ஹீரோவாகியுள்ளார்.
டாஷ்கேம் காட்சிகளில் படம்பிடிக்கப்பட்ட அந்த சம்பவத்தில் , எதிரே வரும் பரபரப்பான வாகனங்களை கடந்து அவசர பாதையில் தனது மோட்டார் சைக்கிளை அந்த நபர் நிறுத்துவதைக் காணமுடிகிறது. பாதையில் இருந்த அந்த டயரை வாகன ஓட்டுநர்கள் தவிர்க்கத் தவறினால் பேரழிவு விபத்துக்கு வழிவகுக்கும் சூழ்நிலை இருந்தபோதிலும், அந்த மோட்டார் சைக்கிள் ஓட்டுனர் தயக்கமின்றி செயல்பட்டார்.
அவர் தனது மோட்டார் சைக்கிளை நிறுத்திவிட்டு , டயர் விழுந்துகிடக்கும் இரண்டாவது தடத்திற்கு ஓடிச் சென்று அதனை அப்புறப்படுத்தினார். mzar5818 ஆல் TikTok கில் வெளியிடப்பட்ட அவரது வீடியோ வைரலாகி, 8,000 க்கும் மேற்பட்ட விருப்பங்களையும் 300 க்கும் மேற்பட்ட கருத்துகளையும் பெற்றுள்ளது. இந்த அச்சமற்ற மோட்டார் சைக்கிள் ஓட்டுநரின் செயல்கள் சமூக ஊடக பயனர்களிடம் பாராட்டை பெற்றது.
