கோலாலம்பூர், ஜனவரி 22 – 2026 மற்றும் 2027 கல்வியாண்டில் அரசு உயர்கல்வி நிறுவனங்களான IPTA-வில் சேர விரும்பும் SPM மற்றும் STPM முடித்த மாணவர்களுக்கான UPUOnline விண்ணப்பம், ஜனவரி 29 முதல் மார்ச் 23 வரை திறக்கப்படும் என உயர் கல்வி அமைச்சு அறிவித்துள்ளது.
STPM அல்லது சமமான தகுதி பெற்றவர்களுக்கான இரண்டாம் கட்ட விண்ணப்பம், ஏப்ரல் 13 முதல் மே 15, வரை திறக்கப்படுமென்றும் கூறப்பட்டுள்ளது.
இந்த விண்ணப்பம் மூலம் 20 அரசு பல்கலைக்கழகங்கள், 36 Politeknik-குகள், 106 சமூகக் கல்லூரிகள் மற்றும் MARA நிறுவனங்களில் வழங்கப்படும் சான்றிதழ், Foundation, டிப்ளோமா மற்றும் இளங்கலை பட்டப்படிப்புகளுக்கான சேர்க்கையைப் பெறலாம்.
BSN வங்கியில் UPUOnline பின் எண் வாங்குதல் ஜனவரி 28 முதல் திறக்கப்படவுள்ளதென்றும் அதன் கட்டணம் 10.60 ரிங்கிட் ஆகும் எனவும் குறிப்பிடப்பட்டுள்ளது. மேலும் BSN கிளைகள், ATMகள் மற்றும் myBSN இணைய வங்கி வழியாக கட்டணத்தைச் செலுத்தலாம்.
மேல் விவரங்களுக்கு UPUOnline இணையதளம் அல்லது upu@mohe.gov.m மூலம் தொடர்பு கொள்ளலாம் என்றும் அறிவித்துள்ளனர்.
