கோலாலம்பூர், நவம்பர் 28 – KLIA 2 விமான நிலையத்தில் புதுப்பிப்பு பணிகள் நடைபெற்று வரும் பகுதியில் சிறிய தீ விபத்து ஏற்பட்டுள்ளது.
அந்தத் தீ அடுத்த 30 விநாடிகளுக்குள் அணைக்கப்பட்டதென்று மலேசிய விமான நிலையங்கள் நிறுவனமான MAHB இன்று உறுதிப்படுத்தியது.
விமான நிலையம் தீப்பற்றியது எனக் கூறி சமூக ஊடகங்களில் பரவிய காணொளி குழப்பத்தை ஏற்படுத்திய நிலையில் இந்த விளக்கம் அளிக்கப்பட்டது.
MAHB-யின் பாதுகாப்பு அணியினர் உடனடியாக நடவடிக்கை மேற்கொண்டதால், செக்-இன், பாதுகாப்பு சோதனை மற்றும் விமானப் போக்குவரத்து உள்ளிட்ட எந்த செயல்பாடும் பாதிக்கப்படவில்லை.
தவறான காணொளிகளைப் பகிர்வதைத் தவிர்ப்பதோடு பொதுமக்களிடையே தேவையற்ற அச்ச்த்தை ஏற்படுத்தாமல் இருக்க வேண்டுமெனவும் MAHB கேட்டுக்கொண்டது.
