பெட்டாலிங் ஜெயா, அக்டோபர்-5 – பெட்டாலிங் ஜெயா, Jalan SS8/7 சாலையில் அமைந்துள்ள
பிரபல தளவாடக் கடை, நேற்றிரவு ஏற்பட்ட தீயில் 100 விழுக்காடு எரிந்துபோனது.
இரவு 10.40 மணி வாக்கில் தீ பரவிய நிலையில், 6 தீயணைப்பு நிலையங்களைச் சேர்ந்த 40-க்கும் மேற்பட்ட தீயணைப்பு-மீட்பு வீரர்கள் சம்பவ இடம் வரவழைக்கப்பட்டனர்.
இரவு 11.30 மணி வாக்கில் தீ முழுவதுமாகக் கட்டுக்குள் கொண்டு வரப்பட்டது.
இதுவரை யாரும் காயமடைந்ததாகவோ, அல்லது உயிர் சேதம் ஏற்பட்டதாகவோ தகவல் இல்லை.
தீ ஏற்பட்டதற்கான காரணமும், ஏற்பட்ட மொத்த இழப்பும் கண்டறியப்பட்டு வருகின்றன.
அத்தீயினால் LDP நெடுஞ்சாலை நெடுகிலும் கரும்புகை சூழ்ந்ததோடு, கடும் போக்குவரத்து நெரிசலும் ஏற்பட்டதை முன்னதாக வைரலான வீடியோக்களில் காண முடிந்தது.
