கிள்ளான், நவம்பர்-28 – கிள்ளான் அரச மாநகர மன்றமான MBDK, வரும் டிசம்பர் 1 முதல் 31 வரை கார் நிறுத்தம் மற்றும் போக்குவரத்து குற்றங்களுக்கான அபராத கழிவுச் சலுகையை அறிவித்துள்ளது.
இந்த ஒரு மாத சலுகைக் காலத்தில், மக்கள் தங்களின் சம்மன்களை குறைந்தபட்ச விலையாக வெறும் RM15 வரை செலுத்த முடியும்.
என்றாலும் இது சில வகை குற்றங்களுக்கே பொருந்தும்; கனரக வாகனங்களுக்கு கண்டிப்பாக சலுகை இல்லை என MBDK தெளிவுபடுத்தியது.
சம்மன் சரிபார்ப்பு மற்றும் அபராதச் செலுத்தலை இணையம் வழியாக எளிதில் செய்யலாம்.
Smart Selangor Parking, Smart Parking MBDK மற்றும் iPay MBDK போன்ற செயலிகளின் QR குறியீடுகள் மூலம் பயனர்கள் நேரடியாக சரிபார்த்து கழிவு விலையில் அபராதம் செலுத்தலாம்.
மக்களின் வசதிக்காக, MBDK பல இடங்களில் e-Kiosk இயந்திர வசதியையும் ஏற்பாடுசெய்துள்ளது.
MBDK தலைமையகம், Jalan Meru Pasar Besar, Jalan Tengku Kelana, Jalan Raya Barat மற்றும் GM Klang ஆகிய இடங்களில் இந்த kiosk இயந்திரங்கள் அமைக்கப்பட்டுள்ளன.
சட்ட நடவடிக்கைப் பாயும் அளவுக்குப் போகாமல், மிகக் குறைந்த கட்டணத்தில் சம்மன்களை செலுத்தும் இந்த அரிய வாய்ப்பை பொது மக்கள் தவறவிட வேண்டாம் என MBDK அறிவுறுத்தியது.
