கிள்ளான் பள்ளத்தாக்கு 3 மாநிலங்களில் இடியுடன் கூடிய கடுமையான மழையும் காற்றும் இருக்கும்
கோலாலம்பூர், நவ 24 – இன்று காலையில் பல்வேறு மாநிலங்களில் இடியுடன் கூடிய கடுமையான மழை மற்றும் காற்றும் இருக்கும் என வானிலைத் துறையான ( MetMalaysia ) எச்சரிக்கை வெளியிட்டுள்ளது. கிள்ளான் பள்ளத்தாக்கிலும், பஹாங் ,நெகிரி செம்பிலான் மற்றும் மலாக்காவிலும் இடியுடன் கூடிய மழை மற்றும் பலத்த காற்று வீசும். பஹாங்கில் Bera, சிலாங்கூரில் கிள்ளான், பெட்டாலிங், கோலா லங்காட், உலு லங்காட் மற்றும் செப்பாங்கிலும் இடியுடன் கூடிய கடும் மழையும் காற்றும் வீசும் என தெரிவிக்கப்பட்டுள்ளது.
இதே நிலைமை கோலாலம்பூர், புத்ரா ஜெயா மற்றும் மலாக்கா முழுமையிலும் இருக்கும். திரெங்கானு, கிளந்தான் , பெர்லிஸ், கெடா, பினாங்கு, பேரா மற்றும் சிலாங்கூரிலும் கடுமையான காற்றும் கடல் கொந்தளிப்பும் இருக்கும் என அறிவிக்கப்பட்டுள்ளது.
பலத்த காற்று மற்றும் கடல் கொந்தளிப்பான சூழ்நிலைகள் சிறிய படகுகள், கடல் பொழுதுபோக்கு மற்றும் கடல் விளையாட்டுகளுக்கு ஆபத்தானவையாகும். திரெங்கானு மற்றும் கிளந்தான் கடற்கரைப் பகுதிகளிலும் நாளை வரை கடலில் நீர் மட்டம் உயரும் என்று எதிர்பார்க்கப்படுகிறது.
