கோம்பாக், டிசம்பர்-30 – கோம்பாக்கில் குழந்தை பராமரிப்புச் செலவு தொடர்பில் பெற்றோருக்கு இடையில் ஏற்பட்ட தகராறில் 7 வயது சிறுமி காயமடைந்தாள்.
இச்சம்பவம் ஞாயிறு இரவு Taman Scientex Kundang Jaya-வில் நிகழ்ந்தது.
மகளை, முன்னாள் மனைவியின் வீட்டில் விட்டு விட்டு கிளம்பும் போது 34 வயது அவ்வாடவருக்கும் அம்மாதுவுக்கும் வாக்குவாதம் ஏற்பட்டுள்ளது.
தகராறின் போது அந்நபர், முன்னாள் மனைவியிடம் ஆவேசமாக நடந்துகொண்டதில் அம்மாது காயமடைந்தார்.
பிரச்னையில், சிறுமியையும் அவர் கீழே தள்ளியதாகக் கூறப்படுகிறது.
அதில் அச்சிறுமி முட்டிக்காலில் காயமடைந்த நிலையில், மறுநாள் காலை போலீஸில் புகார் அளிக்கப்பட்டது.
இதையடுத்து குடும்ப வன்முறை சட்டத்தின் கீழ் இச்சம்பவம் விசாரிக்கப்படுகிறது.
சம்பவத்தின் வீடியோ சமூக ஊடகங்களில் வைரலாகி, பொது மக்களின் கவனத்தை ஈர்த்துள்ளது.
