செப்பாங்கில் கார் பள்ளத்தில் விழுந்து நீரோட்டத்தில் அடித்துச் செல்லப்பட்ட போலீஸ் அதிகாரி சடலமாக மீட்பு
செப்பாங், நவம்பர் 30-செப்பாங், Kampung Giching கிராமத்தில் வெள்ளமேறிய பகுதியை கடக்கும் போது காணாமல் போனதாகக் கூறப்பட்ட ஒரு போலீஸ்காரர், நீரில் மூழ்கி உயிரிழந்துள்ளார்.
23 வயது கான்ஸ்டிபல் Muhammad Rahimi Amiruddin, இன்று காலை 7.30 மணிக்கு சடலமாக மீட்கப்பட்டார்.
அவர் காணாமல் போனதாகக் கூறப்பட்ட Klinik Desa Giching-கிலிருந்து சுமார் 50 மீட்டர் தொலைவில் சடலம் மீட்கப்பட்டது.
அவர் ஓட்டிச் சென்ற Perodua Bezza கார் அந்த கிளினிக் அருகே தடம்புரண்டு கால்வாயில் விழுந்தது.
நீலாய் போலீஸ் நிலையத்தில் ஓராண்டாக வேலை செய்யும் அவ்வாடவர், சம்பவ நேரமான இரவு 10.30 மணிக்கு வேலையிடத்துக்கு சென்று கொண்டிருந்ததாக செப்பாங் போலீஸ் கூறியது.
சாலை பெயர்ப் பலகையைக் கைத்தாங்கலாக அவர் பிடித்துக் கொண்டதாகவும், எனினும் துரதிஷ்டவசமாக வெள்ள நீரோட்டத்தில் அடித்துச் செல்லப்ப்டடதாகவும் சம்பவத்தை நேரில் பார்த்த சாட்சி ஒருவர் கூறினார்.
