அலோர் காஜா, மலாக்கா, நவம்பர் 28 – மலாக்காவில், நேற்றிரவு, 11 வயது சிறுவன் ஒருவன் கால்வாயில் விழுந்து பலத்த நீரோட்டத்தில் அடித்து செல்லப்பட்டு பரிதாபமாக உயிரிழந்த துயரச் சம்பவம் அப்பகுதி மக்களை பெரும் வேதனையில் ஆழ்த்தியுள்ளது.
பல மணி நேர தேடுதலுக்குப் பின்னர், சிறுவனின் உடல் சுமார் 600 மீட்டர் தொலைவில், நீரில் சிக்கியிருந்த மரக்கிளைகளுக்கு நடுவே கண்டெடுக்கப்பட்டது.
சிறுவன் தவறி விழுந்த கால்வாய் நேரடியாக நீர்தேக்க பகுதிக்கு சென்றதால், தேடுதல் பணியில் மிகுந்த சிரமம் ஏற்பட்டதாக தீயணைப்பு துறையினர் தெரிவித்தனர்.
சுமார் இரண்டரை மணி நேர கடுமையான தேடலுக்குப் பிறகு, சிறுவனின் உடல் நீரோட்டத்தில் சிக்கியிருந்த மரக்கிளைகளுக்கு நடுவே கண்டெடுக்கப்பட்டு கரைக்கு கொண்டு வரப்பட்டது.
இந்நிலையில் சம்பவம் தொடர்பான மேல் விசாரணை தொடர்ந்து நடைபெற்று வருகிறது.
