கோலாலம்பூர், நவ 26 – Jalur gemilang எனப்படும் தேசிய கொடியை இந்த ஆண்டுமுறையற்ற வகையில் காட்சிப்படுத்தியது அல்லது பயன்படுத்தியது தொடர்பில் ஐந்து வழக்குகள் தீர்க்கப்பட்டுள்ளன.
அதே நேரத்தில் இன்னும் 12 சம்பவங்கள் போலீஸ் விசாரணையில் இருப்பதாக நாடாளுமன்றத்தில் தெரிவிக்கப்பட்டது.
தேசிய கொடியை முறையற்ற வகையில் காட்சிப்படுத்தியது தொடர்பில் பினாங்கில் ஐந்து வழக்குகளும் , ஜோகூரில் நான்கு வழக்குகளும், சிலாங்கூரில் 4 வழக்குகளும் , கோலாலம்பூரில் 2 வழக்குகளும் பதிவாகியுள்ளன.
இது தவிர பேராக் மற்றும் நெகிரி செம்பிலான் ஆகிய மாநிலங்களில் தலா ஒரு வழக்குகள் பதிவாகியுள்ளதாக கூட்டரசு பிரதேசத்திற்கான பிரதமர் துறை அமைச்சர் டத்தோஸ்ரீ டாக்டர் ஜலிஹா முஸ்தபா ( Zaliha Mustafa ) தெரிவித்தார்.
Jalur gemilangகை முறையற்ற முறையில் காட்சிப்படுத்துவதற்கு எதிராக எடுக்கப்பட்ட நடவடிக்கைகள் குறித்து Miri நாடாளுமன்ற உறுப்பினரான Pakatan Harapanனைச் சேர்ந்த சீவ் சூன் மான் (Chiew Choon Man) எழுப்பிய கேள்விக்கு அவர் பதிலளித்தார்.
இந்த வழக்குகள் சின்னங்கள் மற்றும் பெயர்கள் முறையற்ற பயன்பாட்டைத் தடுத்தல் சட்டத்தின் கீழ் விசாரிக்கப்பட்டன.
இது வர்த்தகம், வணிகம், வேலைவாய்ப்பு, காப்புரிமைகள் அல்லது வர்த்தக முத்திரைகள் உட்பட அங்கீகரிக்கப்பட்ட பெயர்கள் மற்றும் சின்னங்களை முறையற்ற முறையில் பயன்படுத்துதல், பின்பற்றுதல் அல்லது மீண்டும் உருவாக்குவதைத் தடை செய்கிறது.
