கொழும்பு, அக்டோபர்-29,
இலங்கையின் கொழும்பு விமான நிலையத்தில் விமானம் தரையிறங்கிய போது, பாதுகாப்புக் காரணங்களுக்காக கழிப்பறையைப் பயன்படுத்தத் தடை செய்யப்பட்டதால், பயணி ஒருவர் கோபமடைந்து விமானப் பணியாளர்களை தாக்கிய அதிர்ச்சியான சம்பவம் ஒன்று நடந்துள்ளது.
சவூதி அரேபியாவின்
ரியாத்திலிருந்து கொழும்புவுக்குப் புறப்பட்ட ஸ்ரீ லங்கன் ஏர்லைன்ஸ் விமானத்தில் பயணம் செய்த, 28 வயது சவூதி ஆடவரே பிரச்னை செய்தவராவார்.
அவர் இரு விமானப் பணியாளர்களை தாக்கியதாக தெரிவிக்கப்பட்டது.
இதர பயணிகளும் பணியாளர்களும் இணைந்து அந்நபரை கட்டுப்படுத்தினர்.
இந்நிலையில் விமானம் கொழும்புவில் தரையிறங்கியவுடன் அவர் போலீஸாரால் கைதுச் செய்யப்பட்டார்.
குற்றவியல் வழக்கும் பதிவுச் செய்யப்பட்டுள்ளது.
தாக்குதலுக்கு உள்ளான பணியாளர்கள் மருத்துவ சிகிச்சை பெற்றனர்; காய விவரம் வெளியிடப்படவில்லை.
