ஹாங்காங், நவம்பர் 27 – ஹாங்காங்கில் ஏற்பட்ட கொடூர தீ விபத்து சம்பவத்தில், உயிரிழந்தோரின் எண்ணிக்கை 55 ஆக உயர்வு கண்டுள்ளது. மேலும் 250-க்கும் மேற்பட்டோர் இன்னும் காணாவில்லை என்று உள்ளூர் ஊடகம் அறிவித்துள்ளது.
24 மணி நேரத்தைத் கடந்த பின்னரும், சில குடியிருப்புகளின் ஜன்னல்கள் வழியே இன்னும் தீப்பிழம்புகள் தென்பட்டு கொண்டிருக்கின்றன. மேலும், மீட்புப்படையினர் கருகிய கட்டிடங்களில் சடலங்களைத் தேடும் பணியில் மும்முரமாக ஈடுபட்டுள்ளனர்.
அப்பகுதியில் இருக்கும் வீடுகளில் தீ அலாரம் ஒலிக்காததால், தீயணைப்பு வீரர்கள் வீடு தோறும் சென்று மக்களைத் தப்பிக்க செய்துள்ளனர். இதில் தீயணைப்பு வீரர்களில் ஒருவரும் உயிரிழந்துள்ளார் என்பது குறிப்பிடத்தக்கது.
61 பேர் மருத்துவமனையில் சிகிச்சை பெற்று வரும் நிலையில் அதில் 15 பேர் கவலைக்கிடமான நிலையில் உள்ளனர் என்று கூறப்படுகின்றது.
இந்த சம்பவம், பல ஆண்டுகளுக்குப் பிறகு ஹாங்காங்கில் ஏற்பட்ட மிகப்பெரிய தீ விபத்தாகப் பதிவு செய்யப்பட்டுள்ளது.
