கொழும்பு, நவம்பர் 30-இலங்கையில் டிட்வா (Ditwah) புயல் தாக்கியதில் உயிரிழந்தோரின் எண்ணிக்கை 153-ராக உயர்ந்துள்ளது.
மேலும் 191 பேரை இன்னமும் காணவில்லை என அதிகாரிகள் கூறினர்.
சுமார் 78,000 மக்கள் 800-க்கும் மேற்பட்ட தற்காலிக நிவாரண மையங்களில் தஞ்சம் புகுந்துள்ளனர்.
புயல் தாக்கத்தில் 15,000 வீடுகள் சேதமடைந்துள்ளன; அரை மில்லியனுக்கும் மேற்பட்ட மக்கள் பாதிக்கப்பட்டுள்ளனர்.
இலங்கை அரசாங்கம் அவசர நிலையை அறிவித்து, மீட்பு மற்றும் நிவாரண பணிகளை வேகப்படுத்தியுள்ளது.
இந்தியா, அமெரிக்கா, மாலத்தீவு உள்ளிட்ட நாடுகளும் நிவாரண உதவிகளை அனுப்பி வருகின்றன.
அடைமழை தொடரலாம் என அதிகாரிகள் எச்சரிக்கை விடுத்துள்ள நிலையில், உயிரிழப்புகள் மேலும் அதிகரிக்கக்கூடும் என அஞ்சப்படுகிறது.
