கோத்தா கினாபாலு, நவம்பர்-29 – சபாவில் மீண்டும் ஆட்சியமைப்பதை முதல்வர் டத்தோ ஸ்ரீ ஹஜிஜி நோர் தலைமையிலான GRS கூட்டணி நெருங்கி வருகிறது.
சட்டமன்றத் தேர்தலில் இதுவரை 61 தொகுதிகளுக்கான அதிகாரப்பூர்வமற்ற முடிவுகளின் படி, GRS மட்டுமே 29 தொகுதிகளில் வெற்றிப் பெற்றுள்ளது.
ஆட்சியமைக்க 37 தொகுதிகள் தேவையாகும்.
இந்நிலையில், GRS-சின் பங்காளியான பக்காத்தான் ஹராப்பான் 2 தொகுதிகளையும், STAR 1 தொகுதியையும் KDM கட்சி 1 தொகுதியையும் கைப்பற்றியுள்ளது.
தவிர, GRS ஆதரவிலான 4 சுயேட்சை வேட்பாளர்களும் வெற்றிப் பெற்றிருப்பதால், அக்கூட்டணிக்கு 37 தொகுதிகள் கையில் உள்ளன.
GRS-சின் வெற்றியை உறுதிப்படுத்தும் வகையில், அதனுடன் இணைந்து மாநில அரசை அமைக்க பக்காத்தான் தயாராக இருப்பதாக PKR பொதுச் செயலாளர் Fuziah Salleh அறிவித்திருப்பதும் கவனிக்கத்தக்கது.
இவ்வேளையில், டத்தோ ஸ்ரீ Shafie Apdal-லின் WARISAN கட்சி 18 இடங்களில் வெற்றிப் பெற்றுள்ளதாக அதிகாரப்பூர்வமற்ற முடிவுகள் காட்டுகின்றன.
மாநில அரசைக் கைப்பற்றும் நோக்கில் 45 தொகுதிகளில் போட்டியிட்ட தேசிய முன்னணி வெறும் 9 தொகுதிகளில் மட்டுமே வெற்றி பெற்றுள்ளது.
பெரிக்காத்தான் நேஷனல் சார்பில் போட்டியிட்ட பாஸ் கட்சி, சபாவில் முதன் முறையாக ஒரு தொகுதியில் வெற்றிப் பெற்றுள்ளது.
தேர்தல் ஆணையம் நள்ளிரவு வாக்கில் அதிகாரப்பூர்வ ம்குடிவுகாளை அறிவிக்கும் என எதிர்பார்க்கப்படுகிறது.
