கோலாலம்பூர், நவம்பர்-28 – புத்ராஜெயா, சிலாங்கூர், திரங்கானு, பேராக் மற்றும் நெகிரி செம்பிலானில் நாளை சனிக்கிழமை வரை சிவப்பு நிற அளவிலான அபாய கட்ட அடைமழை பெய்யும் என, மலேசிய வானிலை ஆராய்ச்சித் துறை எச்சரித்துள்ளது.
புத்ராஜெயா, சிலாங்கூரில் கிள்ளான், குவாலா லங்காட், செப்பாங், நெகிரி செம்பிலானில் சிரம்பான், போர்டிக்சன், திரங்கானுவில் கெமாமான், பஹாங்கில் மாரான், குவாந்தான், பெக்கான் உள்ளிட்டவை இந்த அபாய கட்ட அடைமழையில் பாதிக்கப்படும்.
அதே சமயம், ஆரஞ்சு கட்ட தொடர் அடைமழை எச்சரிக்கை பேராக்கின் மஞ்சோங், கிந்தா, பேராக் தெங்கா, கம்பார், பாகான் டத்தோ, ஹிலிர் பேராக் பாத்தாங் பாடாங், முவாலிம் ஆகிய இடங்களுக்கும் திரங்கானுவில் பெசூட், செத்தியூ, குவாலா நெரூஸ், ஹுலு திரங்கானு, குவாலா திரங்கானு, மாராங், டுங்குன் ஆகிய மாவட்டங்களுக்கும் விடுக்கப்பட்டுள்ளது.
பஹாங்கின் கேமரன் மலை, லிப்பிஸ், ரவூப், ஜெராண்டூட், பெந்தோங், தெமர்லோ, பெரா, ரொம்பின், சிலாங்கூரில் சபாக் பெர்ணாம், கோம்பாக், பெட்டாலிங், ஹுலு லங்காட் ஆகிய இடங்களிலும் இந்த தொடர் அடைமழை பெய்யும்.
கோலாலம்பூர், மலாக்கா, நெகிரி செம்பிலானில் ஜெலபு, குவாலா பிலா, ரெம்பாவ், ஜெம்போல், தம்பின், மற்றும் ஜோகூரில் தங்காக், செகாமாட், மூவார் மாவட்டங்களுக்கும் தொடர் அடைமழை எச்சரிக்கை விடப்பட்டுள்ளது.
இதனிடையே, பினாங்கு, கிளந்தான், கெடாவில் கூலிம் – பண்டார் பாரு, பேராக்கில் கெரியான், லாருட் – மாத்தாங் – செலாமா, ஹுலு பேராக், குவாலா கங்சார், மற்றும் ஜோகூரில் பத்து பஹாட், குளுவாங் மெர்சிங் ஆகிய மாவட்டங்களில் மஞ்சள் நிற எச்சரிக்கை அளவிலான அடைமழை பெய்யும் என கணிக்கப்பட்டுள்ளது.
எனவே மேற்கண்ட இடங்களில் வசிக்கும் மக்கள் முழு விழிப்பு நிலையில் இருப்பதோடு, ஆகக் கடைசி தகவல்களுக்கு MET Malaysia-வின் அதிகாரப்பூர்வ இணைய அகப்பக்கத்தையும் அதன் சமூக ஊடகங்களையும் அவ்வப்போது சரிபார்க்குமாறு கேட்டுக் கொள்ளப்பட்டுள்ளது.
