செராஸ், நவம்பர்-25 – செராஸில் உள்ள ஸ்ரீ சபா அடுக்குமாடி குடியிருப்பில், மோட்டார் சைக்கிளில் உணவு அனுப்பும் சேவையில் ஈடுபட்டுள்ள ஒருவர் மின்தூக்கி கதவின் மீது சிறுநீர் கழித்ததாக சமூக ஊடகங்களில் பரவும் வீடியோ சர்ச்சையை ஏற்படுத்தியுள்ளது.
இச்சம்பவம் நவம்பர் 19-ஆம் தேதி மதியம் 2.10 மணியளவில் நடந்ததாக கூறப்படுகிறது.
புகாரளித்த குடியிருப்பாளர், உணவை ஒப்படைத்த உடனேயே அவ்வாடவர் lift-டில் அந்த அநாகரீகச் செயலைப் புரிந்ததாக குறிப்பிட்டார்.
அவர், “இது என்ன பொது கழிவறையா?குடியிருப்பாளர்கள் எவ்வளவு கடுமாயைக உழைத்து கட்டடத்தை சுத்தமாக வைத்திருக்கிறார்கள், ஆனால் நீ வந்துவிட்டு இப்படிச் செய்கிறாயே” என வைரலாகியுள்ள பதிவில் கடும் அதிருப்தி தெரிவித்தார்.
இதுபோன்ற செயலால் தான் lift அடிக்கடி பழுதாகும் நிலை ஏற்படுவதாகவும் அந்நபர் விரக்தியுடன் கூறினார்.
வீடியோ வேகமாக வைரலாக, அதிகாரிகள் விரைந்து நடவடிக்கை எடுக்க வேண்டும் என்று வலைத்தளங்களில் வலியுறுத்துகின்றனர்.
உணவு அனுப்பும் சேவை நிறுவனங்களும், தங்கள் ஓட்டுநர்களுக்குக் கடுமையான ஒழுங்குமுறைகளை வலியுறுத்த வேண்டும் என கோரிக்கை எழுந்துள்ளது.
தற்போது சம்பந்தப்பட்ட அதிகாரிகளிடமிருந்து அல்லது டெலிவரி நிறுவனத்திடமிருந்து எந்த அதிகாரப்பூர்வ அறிக்கையும் வெளியாகவில்லை.
பொது அழுத்தம் அதிகரித்து வரும் நிலையில் விசாரணை நடைபெறும் என்று எதிர்பார்க்கப்படுகிறது.
