கேமரன் மலை, நவம்பர் 30- கேமரன் மலை, தானா ராத்தாவில் அண்மையில் ஏற்பட்ட நிலச்சரிவு, உள்ளூர்வாசிகளுக்கும் சுற்றுப்பயணிகளுக்கும் பெரும் பதற்றத்தை ஏற்படுத்தியுள்ளது.
பல பகுதிகளில் மண் சரிவு ஏற்பட்டதால் சாலைகள் சேதமடைந்து, போக்குவரத்து தற்காலிகமாக தடைப்பட்டது.
நல்ல வேளையாக உயிரிழப்புகள் பதிவாகவில்லை என்றாலும், இச்சம்பவம் பாதுகாப்பு மீதான கவலைகளை மேலும் அதிகரித்துள்ளது.
இந்நிலையில், இச்சம்பவத்தை படிப்பினையாகக் கொண்டு எதிர்கால பேரிடர்களைத் தடுக்க ஆரம்பக் கட்ட எச்சரிக்கை முறை அவசியம் என வலியுறுத்தியுள்ளார்…தானா ராத்தா சட்டமன்ற உறுப்பினர் Ho Chi Yang.
மழை அளவு, மண் ஈரப்பதம், நிலச்சரிவு அபாயம் ஆகியவற்றை முன்கூட்டியே கண்டறியும் தொழில்நுட்பங்கள் உடனடியாக அமுல்படுத்தப்பட வேண்டும் என்றார் அவர்.
கேமரன் மலை போன்ற மலைப்பாங்கான பகுதிகளில் இயற்கை பேரிடர்களின் போது மிகுந்த பாதிப்பு ஏற்படும் என்பதால், அரசாங்கம் முன்கூட்டியே தடுப்பு நடவடிக்கைகளை வலுப்படுத்த வேண்டும் என அவர் கேட்டுக் கொண்டார்.
நேற்று முந்தினம் இரவு பெய்த கனமழையின் போது ஏற்பட்ட நிலச்சரிவால், 346 அடுக்குமாடி குடியிருப்புகளைச் சேர்ந்த சுமார் 700 பேரது வெளித் தொடர்பு துண்டிக்கப்பட்டது.
சாலையை மூடியுள்ள மண் குவியலை சுத்தப்படுத்தும் பணிகள் முழு வீச்சில் நடைபெற்று வரும், பாதிக்கப்பட்டவர்களில் 5 குடும்பங்களைச் சேர்ந்த 19 பேர் Puncak Arabella மண்டபத்தில் தற்காலிகமாக தங்க வைக்கப்பட்டுள்ளனர்.
அவர்களை நேரில் சென்று கண்டு நலம் விசாரித்த போது Ho Chi Yang அவ்வாறு கூறினார்.
