புத்ராஜெயா, நவம்பர்-13,
மலேசிய ஊழல் தடுப்பு ஆணையமான MACC நடத்திய சிறப்பு Ops Bleach சோதனை நடவடிக்கையில், 10 அரசு அதிகாரிகள் மற்றும் ஓய்வு பெற்ற ஒருவர் உட்பட மொத்தம் 11 பேர் கைதுச் செய்யப்பட்டுள்ளனர்.
இவர்கள், வெளிநாட்டு தொழிலாளர்களுக்கான அனுமதியை விரைவுபடுத்துவதற்காக லஞ்சம் பெற்றதாக சந்தேகிக்கப்படுகின்றது.
கிள்ளான் பள்ளத்தாக்கில் மேற்கொள்ளப்பட்ட அச்சோதனைகளில், 1 லட்சத்து 16 ஆயிரம் ரிங்கிட் பணம், தங்கச் சங்கிலிகள், நகைகள், வாகனங்கள் மற்றும் கைப்பேசிகள் பறிமுதல் செய்யப்பட்டன.
இச்சம்பவம், 2009 MACC சட்டத்தின் கீழ் விசாரணைக்கு உட்படுத்தப்பட்டுள்ளது.
அதற்கு ஏதுவாக இன்று புத்ராஜெயா மேஜிஸ்திரேட் நீதிமன்றத்துக்கு அவர்கள் கொண்டுச் செல்லப்படுவர்.
அரசுத் துறைகளில் ஊழலை ஒழிக்கவும், வெளிநாட்டு தொழிலாளர் அனுமதி முறையில் வெளிப்படைத்தன்மையை உறுதிப்படுத்தவும் MACC தொடர்ந்து இந்த அதிரடி நடவடிக்கைகளை மேற்கொண்டு வருகிறது.
