
ஹங்காங், நவ 28 – ஹங்காங்கில் உள்ள ஒரு உயரமான குடியிருப்பு பகுதியில் புதன்கிழமை ஏற்பட்ட தீ விபத்தில் குறைந்தது 128 பேர் உயிரிழந்துள்ளதாக அதிகாரிகள் தெரிவித்துள்ளனர். டஜன் கணக்கானோர் இன்னும் காணாவில்லையென அறிவிக்கப்பட்டுள்ளது.
ஹங்காங் நகரத்தின் மிக மோசமான அந்த தீ விபத்தில் 79 பேர் காயமடைந்ததாகவும், 16 உடல்கள் கட்டிடங்களுக்குள் இருப்பதாகவும் அதிகாரிகள் தெரிவித்தனர்.
தாய் போவின் ( Tai Po )வடக்கு புறநகர்ப் பகுதியில் உள்ள எட்டு புளோக்குளை கொண்ட குடியிருப்பில் தீ எச்சரிக்கைகள் திறம்பட செயல்படவில்லை என்று தீயணைப்பு சேவை தெரிவித்துள்ளது. மூங்கில் சாரக்கட்டு, புதுப்பிக்கும் பணியில் இருந்த கட்டிடங்களில் காணப்பட்ட பிற கட்டுமானப் பொருட்கள் ஆகியவை தீ வேகமாக பரவுவதற்கு காரணமாக இருக்கலாம் என்று நிபுணர்கள் பிபிசியிடம் தெரிவித்தனர். தீ விபத்து ஏற்பட்டபோது தங்கள் வீடுகளில் தீ எச்சரிக்கை சத்தம் ஒலிக்கவில்லை என்று பல குடியிருப்பாளர்கள் இதற்கு முன் தெரிவித்திருந்தனர்.



