பெய்ஜிங், நவ 27 – சீனாவின் தென் மேற்கே, யுனான் ( Yunnan ) மாநிலத்தில் ரயில்வே தொழிலாளர்கள் குழு மீது ரயில் மோதியதில் 11 பேர் கொல்லப்பட்டதோடு மேலும் இருவர் காயம் அடைந்தனர். சீனாவின் தென்மேற்கு நகரமான குன்மிங்
( Kunminng) கில் Luoyang நகரில் இன்று அதிகாலையில் நில நடுக்கத்தை கண்டறிதல் கருவிகளைச் சோதித்துப் பார்த்த ரயில் Luoyang நகரின் ரயில் நிலையத்தில் வளைந்த தண்டவாளத்தில் இருந்த தொழிலாளர்கள் மீது மோதியதாக அதிகாரிகள் தெரிவித்தனர். காயம் அடைந்தவர்கள் மருத்துவமனையில் சிகிச்சை பெற்று வருகின்றனர். இந்த விபத்துக்கான காரணம் குறித்து விசாரணை நடத்தப்பட்டு வருகிறது. இதனிடையே யுனான் மாநிலத்தில் உள்ள ரயில் நிலையம் மீண்டும் இயல்பான சேவைகளை தொடங்கியுள்ளதாக குன்மிங் ரயில்வே பிரிவு வெளியிட்ட அறிக்கையில் தெரிவித்தது.
