சிரம்பான், ஏப் 8 – சென்டாயனில் உள்ள ஒரு வீடமைப்புத் திட்டம் தனியார் மேம்பாட்டாளருக்கு சொந்தமான தனியார் நிலத்தை மட்டுமே உள்ளடக்கியுள்ளது என்பதால் , எரிவாயு குழாய் பாதையைப் பாதிக்காது என்பது உறுதிப்படுத்தப்பட்டுள்ளது.
வைரலான சமூக ஊடகப் பதிவு மூலம் எழுப்பப்பட்ட கவலைகளை மாநில ஊராட்சி மேம்பாடு, வீடமைப்பு மற்றும் போக்குவரத்துத் துறைக்கான நெகிரி செம்பிலான் ஆட்சிக்குழு உறுப்பினர் ஜே. அருள் குமார் இதனைத் தெரிவித்தார். நேற்று கேஸ் மலேசியா மற்றும் சிரம்பான் நகரான்மைக் கழகம் ஆகியவற்றின் குழுவுடன் நடத்தப்பட்ட ஆய்வைத் தொடர்ந்து, அனைத்தும் கட்டுப்பாட்டில் இருப்பது கண்டறியப்பட்டதாக அவர் கூறினார்.
கட்டுமானப் பணிகள் தனியார் சொத்துக்களுக்கு மட்டுமே உட்பட்டவை, மேலும் சமீபத்தில் சமூக ஊடகங்களில் வெளியான தகவலைப் போன்று கேஸ் மலேசியாவின் குழாய் பாதையை ஆக்கிரமிக்கவில்லை. குழாய் பாதை சாலைக்கு இணையாக உள்ளது மற்றும் பொதுப்பணித் துறை சாலை இருப்புக்குள் அமைந்துள்ளதாக அவர் தெரிவித்தார்.
அந்த மேம்பாட்டாளர் கேஸ் மலேசியாவிற்கு முன்பே விண்ணப்பித்து ஒப்புதல் பெற்றுள்ளதால் இதில் எந்தப் பிரச்சினையும் இல்லையென லாமன் செண்டாயனில் உள்ள வீடமைப்பு திட்டத்தை பார்வையிட்ட பிறகு செய்தியாளர்களிடம் அருள்குமார் இத்தகவலை வெளியிட்டார்.
கேஸ் மலேசியாவின் செனாவாங் கிளை பிரதிநிதி, மேம்பாட்டாளர் பிரதிநிதி முகமட் சைபுல்லா அப்துல் ஹமித் ( Mohamad Saifullah Abdul Hamid ) மற்றும் சிரம்பான் நகரான்மைக் கழக செயலாளர் முகமட் கமால் முகமட் யூசோஃப் ( Mohd Kamal Mohd Yusof ) ஆகியோரும் இந்த நிகழ்ச்சியில் கலந்து கொண்டனர்.
எரிவாயு மலேசியா குழு, உள்ளூர் அதிகாரிகளுடன் சேர்ந்து, கட்டுமானப் பணிகளை தொடர்ந்து கண்காணிக்க வேண்டும் என்று தனது அலுவலகம் கேட்டுக் கொண்டதாகவும் அவர் குறிப்பிட்டார்.
