செம்போர்னா, ஜனவரி-13,
சபா, செம்போர்னாவில் 3 கார்கள் சம்பந்தப்பட்ட விபத்தில் ஓர் ஆண் குழந்தை உட்பட ஒரே குடும்பத்தைச் சேர்ந்த 6 பேர் பலியாயினர்.
நேற்று மாலை 5 மணியளவில் அச்சம்பவம் நிகழ்ந்தது.
மரணமடைந்தவர்கள் முறையே 3 ஆண்கள், ஒரு பெண், ஒரு சிறுமி, ஒரு கைக் குழந்தை ஆவர் என தீயணைப்பு மீட்புத் துறை கூறியது.
அந்த அறுவருடன் Proton Wira காரில் பயணித்த இன்னோர் ஆடவர் காயங்களுடன் உயிர் தப்பினார்.
விபத்தில் சம்பந்தப்பட்ட மற்ற 2 கார்களின் ஓட்டுநர்களுக்கும் பயணிகளுக்கும் காயமேற்படவில்லை.
